قالها عندما سأله احد اصحابه عن اسم جبال طويق فرد عليه بهال القصيده .....

هذي خشــــــوم طويق ياجاهــــل طويق
هذي الخــــــشوم اللي يــــذري ذراها

هذي الخشوم اللي تفـــــرج عن الضــيق
إلــــــــى زادت هـــموم المعنى رقاها

وإلى ضقت من وقتي على رجمها أويق
ويطرد عن النفس الشقــــــيه شــــقاها

وكم مرة عديــــــتها وخاطـــــــري ظيق
وحولت منها ســــــــــــالي من عناها

وكـــــم مـــــرة جريـــــت فيها الطواريق
وإلى رفعت الـصــــــوت جاوب صداها

وكم حــــــــي عداهــا على فكت الريق
وكم واحد تحـــــــــت الثرى قد وطاها

و ياما تعلووا فـــــــــي حجاها التفافيق
للصـــــيد يــــــوم الصيـــد ياطــا ثراها

أحبهـــــــا حـــــب يخــــج المعاليق
لو كانــــا صــــــم يـــــروع حصاها

حـــــــــب قديم معـــــــــتـق الود تعتيق
وأكبر ويكـــــــــبر وسط قلبي هواها

ومــــــن لامـــــني في حبها دون تبريق
مـــــــــعذور حــــــــيثه ماتعلا حجاها

وإلى ابطيت عن هاك الرجوم الشواهيق
كنـــــــي مضـــــــــيع حاجة ما لقاها

جعل الخيال اللي بروقــــة شــــواعيق
ليجــــى عـــلى ذيــك النوايف سقاها

يسقـــــي مداهيل الرجال المطالــــــيق
اللي فعــــــــايلهم بــــــعيـــــد رداها

هذا جوابــــــــــي يوم تنشد عن طويق
وينبيك عن عالــــــــــي حجاها ذراها